بيروت يا مدينة المصدومي… بقلم يوسف الدباك جعجع – لبنان
بيروت يا مدينة المصدومي:
بقلم يوسف الدباك جعجع – لبنان
بيروت يا مدينة المصدومي
متل صدمة ام مهمومي
اولادها اندبحو عا ايديها
دبح الحمل بشفار مسمومي
كترة ما بكيت نور عينيها
تحول ظلام قبور مشؤومي
وناحت لحتى تجمعوا عليها
طير البين والنحس والبومي
وحتى حملها ترجعو ليها
بخطة متل النجوم مرسومي
نفضت بقوتها جناحيها
نفضت طير فينيق مفهومي
ووقفت من جديد عا جريها
وقفت منارتها المغرومي
بصخرات شط اللي حواليها
جمعت متل قرطاج الأساطيل
الربحت معاركها المحسومي
