حكي بالعامية اللبنانية
يوشع علي اسماعيل
معبد الكلمه
…………
بمعبد. الكلمه عملت ناسك
صرت بمحرابها صلي مناسك
دعيت الوحي معي يصلي
هبط عامبعدك سجد وباسك
رفع راسوا الوحي وقلي
قياس الحرف طالع عاقياسك
حملتوا نور تاالفكر يجلي
بمسارح الأرض عملت قداسك
رتلتك بصوت الصلا محلي
بفجر النور دقيت جراسك
عليك التموا الشعار شلي
تيشحدوا الغبرى عن قياسك
زرعتك عاضفاف القلب فلي
تصار العطر يدلق من كاسك
جمعتك عابيدر الفكر غلي
من حبوبك شبعت كل ناسك
نظمتك شعر سعرك يغلي
بقوافي معقده معقد مراسك
وتتبقى بدر بالسما معلي
سنا إلهامي عاجبينك واضع
وبشعر الزجل رافع راسك
………….. ………….
بقلمي… يوشع علي إسماعيل أديب وشاعر عامي
كتبتك بدم أحمر
………………….
يا حروف الشعر عليي تشكي
إذا راسي عاغير كتفك بتكي
نحتك بأزميل فكر وزند أسمر
وعقدة عقدك ولبستك الشبكي
شبكتك بجوهر مزخرف منمر
عاسندس الفكر حبكتك حبكي
علقتك عاصدري بيت معمر
بروزت أسمك بشعر محكي
يا حرف كتبتك بدم أحمر
تصار الليل عالسطر يبكي
من نار الحرف الشعر جمر
جبرت الأبكم بالشعر يحكي
عصرتك كاس معتق مخمر
من دموع العين البيت زكي
بحنايا الروح خليتك مكمر
ضيهرتك نور للفجر بتكي
من مواهبي القصيد تعمر
ملكة القافيه بشعر الزجل
ممنوع شاعر يتعدى عاملكي
………. …………
بقلمي… يوشع علي إسماعيل أديب وشاعر عامي
ظلم الحاكم
……………..
إذا الحاكم بمصير شعبوا تحكم
وبحد السيف خلى الشعب أبكم
وبدي يحاربوا بلقمة عيشوا
وبحكم الظلم عليه الطوق أحكم
ومعوا جماعه تنفش بريشوا
وحول منوا جمهوروا تحوكم
والعدل سنوا بقانون طيشوا
لسان العدل تخرسن تبلكم
بلش بالوطن يمد عريشوا
والشعب من حصرم الحكم زكم
وعاطاولة العربدي يزت فيشوا
بعد ما بمال الفقير ستحكم
يا بشر بحريه حتى تعيشوا
بكرامه بدكن رأي محكم
الحاكم حرقوا كرموا بحشيشوا
وبيت العدل للعدل ردوا
تيعود يقدر مريض الوطن يتحكم
…………. ………
بقلمي…. يوشع علي إسماعيل أديب وشاعر عامي
تحرر الفكر
…………….
حرر فكرك ولبوس لبسي
ولا تبقى منعزل عايش بعبسي
الفكر خلق للكون مناره
وما خلق بلون مشروب بيبسي
تألك التحرر بصريح العباره
تتقدر عالدرب تكبس كبسي
التحرر فكر ضاهر من المغاره
بعلم الدين محبوس حبسي
وأنفتاح الفكر عاكل الحضاره
تتنشر. دين. بعلم. قبسي
وعاكل الشرايع تعمل زياره
تيجتمع العقل عاصحن كبسي
شرع بوابك وولع الناره
وضهر النور من قلب حبسي
بجود الفكر شن غاره
عازر الزكا. كبوس. كبسي
ببحر المعرفه أصلي السناره
وأبعد عن قلب مليان خبسي
ومن كرم فكرك أطعم الجاره
ولا تبخل بفكرك عاأنسان جاهل
حتى يستطعم بعصير دبسي
……….. ………….
بقلمي… يوشع علي إسماعيل
قرادي باللهجه اللبنانيه شعر زجلي
…………..
كنا بالماضي عشاق. عالفطره نحب ونشتاق
ونفجر ينبوع الحب. وتبقى محفوظه الأخلاق
…………………..
ليلى حبيته مره. وحفظطه جوات العين
سحرتني بهاك الغره. وقتلني بشرحات العين
كنا نتلاقى برا. ونتغزل عاضفافي العين
لما تحمل الجره. قلبي قداما ينساق
…………………
ليلى شلتى عاراسي. وحبيتى عاعيون الناس
أهلى يصبولي كاسي. بالسهره ويطيب الكاس
كانت نفسي حساسي. بالعزه مرفوع الراس
حتى ما تحكي ناسي. ويتجرح ورد الحساس
بتلجي عمر متراسي. برا تمي العتبي باس
تيقولوا تفضل واسي. تتطفى نار الأشواق
……………..
بقلمي يوشع علي إسماعيل أديب وشاعر عامي
