صور شعرية
اليان مطانيوس سمعان
—===0 ((( سراج القمر ))) 0===—
ا————————————-ا
ياترى نام القمر والا طفا سراجو
—===((( وسالت شو القصة ماقصدت
احراجو
ا
شو ماخرو لايطل نايم ونسيان
—===((( مشيت عالسكيت قربت
عاسياجو
ا
تاري قمرنا اليوم بالحلم غرقان
—===((( وقفت عالشباك ماقصدت
ازعاجو
ا
شفتو مخربش حكي وزهور عالحيطان
—===((( وراسم طيور الحب عالفجر
يتناجو
ا
متلي أنا تاريه معتر وعشقان
—===((( بدو منو يعينو شو كنت
محتاجو
ا
من خمرة شفافا شارب وسكران
—===((( غارق ببحر العين خطفتو
امواجو
ا
ووقفت لحظة من ولهتي حيران
—===((( مرقت حبيبي عليه لاتشلحو
تاجو
ا
تركت القمر هاك المسا مرضان
—===((( حاولت طبب فيه ماقدرت
عاعلاجو
ا
ورجعت اكتب حلم عاصفحة
النسيان
—===((( والفجر ضب الليل وعاد
ادراجو
ا
ا————————————-ا
صور وذكريات من حياتنا ايام الطفولة
ا~~~~~~~~~~~~~~~~~~~~~~~~ا
ياريت نرجع … صور بالعامية متل ماهيي
صور لاتنسى … ارجو المتابعة لاخر القصيدة
——————————————ا
كبر الزمن شو صار او طول المشوار
…… امس كنا هيك متلن ولاد زغار
يازمن شو صار كنا الهنا والحب
…… يلعب بارض الدار كنا اطفال زغار
نلعب العفريتة وكلال للصبيان قديش حبيتي
….. ياما ضربنا بعضنا بحجار كنا زغار
ء
بالحارة قديش كنا نتجمع ونلعب
…… يطل المسا ونركض وما نتعب
نجوع ناكل سندويشة الزعتر مانطالب باكتر
…… من بعض نتودر ونلعب الغميضة
وستي العجوز تسلقنا بيضة
…… وكنزات حمرا تصير لونها بيضا
ء
يوم كنا زغار نتعمشق عامرجوحة
……. طير الحمام نكبرو لانعملو شوحا
ننطوط ونلعب على حيطان هالجيران
……. في عندهن رمان يصيح فينا الجار
اجيتكن يازغار ل اهلكن راح قول ياولاد
……. التوبة ياعمي ونحلف مابقى تنعاد
ء
ونزور نبقى جدنا الختيار ويبوسنا جدي
…… المصاري كانو يحملا بالكمر زنار
نحبو لجدي عالمصطبة قاعد عباب الدار
…… نفرح كتير بربع ليرة كان يعطينا
نبوسو عادياتو ويحكي ويهدينا
…… وشو يدعي من قلب يارب خلينا
ء
كنا زغار نركض عالكنيسة لانحضر القداس
…… ايد ال ابونا نبوسها ونحطها عالراس
وتجي ليالي العيد وبي يجبلنا توب الفرح الجديد
……. وصباط نخاف عليه من السرقة
نخبيه ونلفلو بورقة نخاف تصيبو عينة الزرقا
…… ونوعى الصبح ونركض لانلبس نار
ء
والصيف يخلص تفتح هالمدرسة ونروح
…… نلاقي رفاقنا وتنرد فينا الروح
وشو نخاف لما يجي عالمدرسة التلقيح
…… واحد بيبكي وهونيك تاني يصيح
وتالت جبان كتير وينهزم عالدار
…… والاّزن يجيبو مالو فكاك ولاخيار
ء
ماعاد في قدرة كتير لاكمل حكي
…… سرحت دموعي على خدودي بكي
يازمن قلي شو عملت فينا
……. كل واحد تحت نجمة اليوم صفينا
دخلك يارب الكون ردن اهالينا
…….. ونجتمع لو مرة بهاك الدار
يازمن وين صرنا هيك صرنا كبار
ء
….. ياريت ياحلم الفرح ياريتنا منرجع
ولنو لونو نهار هيك نرجع بالفرح
….. ولاد زغار… ولاد زغار … ولاد زغار
ا……………………………………………………………….ا
()()()—==000 مابتسوى الدني 000==—()()()
ا~~~~~~~~~~~~~~~~~~~~~~~~~~~~ا
قعدت قبالي بشعرا تنشف
دموعا
()()()—===000 متل الشمس شفتا أول طلوعا
زغيرة بتبكي من قلب
محروق
()()()—===000 قلت بسأل ليش وبشوف موضوعا
قالت بيرضيك اتقلب عانار
الشوق
()()()—===000 ونهداتها سمعتا عم تحرق ضلوعا
تحكي ودوب اسمع صوتها
مخنوق
()()()—===000 وتمتم صلا مافهمت وتشعل شموعا
تبكي وتشكي قديش الها
حقوق
()()()—===000 تحكي عن فراقو والروح موجوعة
وتسرح دموعا قلبي ماعاد
يروق
()()()—===000 عاخدود متل الورد بالأمس مزروعة
نزلت دموعي وقلتلا بلطفك
وزوق
()()()—===000 ما أنا متلك ياحلوة ماكلا لوعة
متلا صرت ابكي وعاتب لربي
فوق
()()()—===000 قلي ياربي ليش ماخلقتها أوعى
بيكفي بكي يابنت مني الفرح
مسروق
()()()—===000 مابتسوى الدني كلا نقطة دموعا
ا~~~~~~~~~~~~~~~~~~~~~~~~~~~~~~ا
ا——–*0*{{{ حرف السين }}}*0*——–ا
ا~~~~~~~~~~~~~~~~~~~~~~~~ا
حلو الحرف واسمائو … متل الورد واوراقو
انتي وسوريا حلوين … بحرف السين بتتلاقو
انتي وسوريا حلوين … فل تجمع عالياسمين
تعبت حروف العاشق … يكتب حبو و
اشواقو
ا
تعبت حروف الاشواق … عاغربتهن ياما داق
بدمعو بيكتب عالاوراق … عيونو لسا ماراقو
الدمعة عالغربة والحب … يارب فرجها يارب
وتسهلو هاك الدرب … يرجع من بعد
فراقو
ا
ياسوريا صار كتير … بيكفينا غربة وتعتير
يادروب افتحي بكير … حتى نداوي هالوجعة
اشتقنا للاهل وجمعة … حتى ننشف هالدمعة
شتقنا نشرب من نبعة … نزور الحي
واسواقو
ا
مشتقلك قلبي ياشام … عالفرقة مابقدر نام
انشالله بترجع هالايام … بيضحك حرفي واوراقو
ياغربة بيكفي هالقد … وياشام عشقتك عن جد
يابلدي فيكي هالسحر … والسهرة لايطل الفجر
حرف السين واسمائو … بسوريا بس
تلاقو
ا
ا………………………………………………………………………….ا
–=0=– عمرك يازهر الفرح –=0=–
ه………………………………………………………….ه
ه
كيف مرقت الايام وكيف
تاكبرتي
–=0=– متل غيمة شتي وحكاية بغنية
ه
يارفيقة الغربة شو معي
تعبتي
–=0=– عمرك ماقلتي الاه دوم مرضية
ه
بالجامعة سبقتي كتار بالعلم
افلحتي
–=0=– كنتي الفرح عاطول والضحك ليلية
ه
بعيد ميلادك شو بقدملك
يابنتي
–=0=– بيكفي محبة قلب قدما هدية
ه
كنتي معيني بغربتي بالعمر
ماسالتي
–=0=– شو بدك قوليلي يانور عينيي
ه
بوجهك ياطلة قمر البيت
نورتي
–=0=– عمرك يازهر الفرح احلام وردية
ه
العدرا يارب ترافقك وين
مارحتي
–=0=– يسعد حياتك دوم ياغالية عليي
ه
والله عطاكي شب متل
ماحلمتي
–=0=– قلبو متل قلبي مليان حنية
ه
انتي الفرح والعيد وين
ماكنتي
–=0=– كل عام وانتي بخير يانور عينيي
ه
ه—————————————-ه
