برغم_القانون مسلسل اخد من كل بستان. زهرة ..فهل اضافت للعمل عطر مميز؟

كتبت د. ايمي_حسين –  الفكرة العامة لامراة تعيش في مدينة ساحلية و تعاني بعد اختفاء او وفاة زوجها مأخوذة حرفيا من مسلسل تحت_الوصايةتحت الوصاية

وطبعا التتر واجواء التصوير شبيهة الي حد كبير بمسلسل تحت_الوصاية. وكان في سهولة ان الناس تربط بين المسلسلين بسبب تشابه تتر المسلسلين

لو كان في شوية ابداع كان ممكن التتر يكون مميز لكن مختلف عن مسلسل مني_زكي

الا لو كان ده دعايه مقصوده

وان البطلة تكون دارسة حقوق من اكتر من ١٠ سنين وكانت شاطرة ومتميزة وسابت مهنة #الحقوق عشان اتجوزت وخلفت وبعد اختفاء جوزها ترجع لمهنتها وتشتغل في مكتب محاماة كبير عشان اقدر تصرف علي ولادها. وتلاقي بسهولة فرصة شغل ف مكتب كبير هي بالظبط نفس فكرة مسلسل مفترق_طرق اللي قامت ببطولته. هند_صبري

وافكار تاني كتير مأخوذة من عدة مسلسلات وافلام

ولكن !

يُحسب للمسلسل انه رغم تكرار بعض الافكار الا انه ايقاعه سريع جدا واحداثه متلاحقة فقدر يشد التاس ويجذبهم انهم يتابعوه عايزين يعرفوا ايه المصيبة الجاية اللي هاتجصل لبطلة المسلسل إيمان_العاصي

اختيار معظم ابطال_المسلسل موفق جدا جدا ويمكن كانوا هم سبب تعلق التاس بالمسلسل بسبب ابداعهم الشديد ف ادوارهم

وأخص بالذكر :

رحاب_الجمل اللي بتقدر تسرق الكاميرا من اي حد جنبها حتي لو كان البطل وبيفضل دورها عالق بأزهان الناس

ولازم تحسسك ان الشخصية اللي بتلعبها حقيقية جدا. وموجودة ف حياتنا

ايهاب_فهمي ده من زمان ورايي فيه انه عبقري ف الاداء واستثنائي ف التمثيل

لكن حظه وحش …. ويستحق فرص اكبر من دي بكتير

عنده القدرة انه يتلون في رسم الشخصية زي الحرباية

بسهولة جدا يقنعك انه شرير وبسهولة يقنعك انه طيب جدا

بشرية ماكياج وملابس. وملامح وشه اللي لتتبدل بطريقة عجيبة عشان تخدم الشخصية

وليد_فواز. من ساعة مسلسله مع حنان_مطاوع صوت_وصوره واداؤه الاستثنائي في تشخيص دور الزوج الندل الجبان

وهو لافت. نظري جدا

وابدع جدا في المسلسل ده في اداء دور الزوج البخيل الاناني

والاستغلالي

واخيرا وليس اخرا الممثل محمد_محمود_عبد_العزيز اللي

بالمناسبة. هو منتج المسلسل

بصراحة اقدر اقول اننا ظلمناه كتير انا حكمنا عليه انه مش بيعرف يمثل قوي اول ما بدأ مشواره الفني هو واخوه

طبعا فرق الموهبة بينه وبين العملاق محمودعبدالعزيز

لكنه بيحاول واشتغل علي نفسه وباعتبار الدور ده من اروع ادواره شكلا ومضمونا. من اول الشنب والبنطلون الواسع عليه اللي بيضطر كل شوية يرفعه ، والجلابية والسبخة وقاعدته قدام المحل ، لمشيته ، لطريقة كلامه ، وحركات وشه. لكسره نفسه لما بيتراجع انه مش قادر يخلف وف نفس الوقت بيحب مراته ، بيفكرني. ب نور الشريف ودوره في فيلم العار ( حقها يا ابو كمال )

اما بطلة المسلسل. #ايمان_العاصي مش عايزة اقول الدور كبير عليها

او الشيلة كبيره عليها انها تشيل بطولة مسلسل

وطبعا وضعها في مقارنة مع اداء الرائعة #مني_زكي. هايظلمها كتير

بس افضل. اقول رايي بالكامل عنها ادائها بعد انتهاء المسلسل او علي الاقل قرب انتهاؤه عشان يكون رايي. موضوعي ومحايد

المسلسل في مجمله فكرته جميلة وتحتمل التكرار

وتسليط الضوء اكتر عما يخص مشاكل الام

والزوجة المصرية و القضايا المتراكمة في محاكم الاسرة لان الست ف مجتمعنا بتعاني من مشاكل كتير جدا هي واطفالها بسبب القانون احيانا وبسبب المجتمع احيانا اكثر

اما عن #محمد_القس ف اعتقد هذا الممثل يستحق بوست مخصوص!!

تحية واجبة للقائمين علي هذا العمل…. في انتظار باقي الاحداث ،……