كلام رئيس التيار الوطني الحر النائب جبران باسيل:

– دولة الرئيس بمحبتنا الك وبحرصنا عليك وعلى لبنان، ادفن هذه الخطّة قبل ان تلدها حكومتك
– رئيس الحكومة وعدنا من يومين بخطّة كاملة للنزوح بيقدّمها بعد شهرين ولكن اساس هالخطة هو فضيحة ظهرت معالمها ونطلب منه وقفها
– نحنا امام حالة طوارئ وطنية بالاعتداء على سيادتنا وهويّـتنا، والبلديات هي المحطّة الحالية لمعركتنا. التيار الوطني الحرّ سيكون له شرف تحرير لبنان من جيش النازحين السوريين
– وحول عمل الحكومة إزاء النزوح: لبنان بخطر وجودي حقيقي – شو عم تعمل حكومته؟ عم تحكي بالعودة الطوعية وعم تقترف جريمة جديدة بحق لبنان!
– على مستوى المبادرات، اوقفنا تسجيل النازحين سنة 2014، وخفّضنا عدد النازحين المسجلين لدى UNHCR من مليون و 275 الف بالـ 2014 الى 831 الف بعد انتخاب الرئيس ميشال عون
– وقفنا بوجه مشروع توطين النازحين، وأفشلنا مشروع الانقلاب العسكري عبر تحريض النازحين وتسليحهم، وأفشلنا تكرار تجربة اللاجئين الفلسطينيين بإقامة مخيّمات لجوء شرعية لهم وعم نتصدى لمشروع التغيير الديمغرافي بلبنان يلّي بيصبّ بمصلحة المشروع التقسيمي لكل المنطقة
– 9 نيسان كان الذكرى الأولى لجريمة قتل مسؤول القوات بجبيل باسكال سليمان! على ايّام النظام السابق كانوا عم يطالبوه بتسليم القتلة، اليوم النظام الجديد صديقهم، لا بل رفيقهم، ليش ما سمعنا حسّهم ومطالبتهم؟ لهيك نحنا بالتيار الوطني الحرّ منطالب النظام السوري بتسليم قتلة باسكال سليمان
– نحنا منسمّيها معركة حريّة وسيادة واستقلال ولنا الشرف نخوضها عن جديد. النازح السوري يلّي خلق بلبنان سنة 2011 صار عمره 14 سنة وصار مندمج ببلدنا
– بدّكم تسمّوا قتالنا لمنع تقسيم سوريا ولبنان عنصريّة سمّوه. بدّكم تسمّوا معركتنا ليبقى الشعب السوري بسوريا والشعب اللبناني بلبنان عنصريّة، سمّوها
– بدّكم تسمّوها عنصريّة سمّوها، نحنا منسمّيها وطنية. بدّكم تسمّوا وقوفنا حدّ شعبنا عنصريّة سمّوه. بدّكم تسمّوا حرصنا على التنوّع بسوريا وبلبنان عنصريّة سمّوه
– مش عنصرية لمّا منطالب بعودة شعب لأرضه. العنصرية لمّا نسكت عن تهجيره ونغمّض عيوننا عن محاولات توطينه
– مش عنصرية لمّا منطالب بعودة شعب لأرضه. العنصرية لمّا نسكت عن تهجيره ونغمّض عيوننا عن محاولات توطينه
– لمّا بيصير وجودهم بلبنان ضروري وشرعي ومؤقّت وهو لا ضروري ولا شرعي ولا مؤقّت، بشو بيذكّرنا هالشي؟ بيذكّرنا باحتلال الجيش السوري وبيصير اسمه “احتلال جيش النازحين السوريين.
– لديّ وابل من الأسئلة المشروعة التي لن اطرحها هنا ولكن سأوجّهها قريباً بكتاب رسمي باسم التيار الى الحكومة حول قضايا محدّدة بملف النزوح السوري رغبةً مني بتنبيه الحكومة منها من جهة، ولمساعدتها من جهة ثانية على اقرار خطّة فعلية وفورية لعودة النازحين، مع العلم اننا تقدّمنا مؤخراً باقتراح قانون يقضي بترحيل كافة النازحين السوريين خلال فترة 6 اشهر ما عدا طبعاً الذين تتوفّر لهم الشروط الشرعية للإقامة والعمل في لبنان.