الى أصدقائي الخلص في لبنان والوطن العربي والعالم
المحامي البروفيسور يوسف الدباك جعجع / لبنان
أهدي هذه القصيدة باللهجة اللبنانية الى أصدقائي الخلص في لبنان والوطن العربي والعالم
المحامي البروفيسور يوسف الدباك جعجع / لبنان
راجعت عقلي وصرت احكي بالوما
مع بعد يللي شاغلو بعمق الكيان
وقلتلو يا عقل تقديرك سمى
وقادر دماغي تحركو بلسمة بنان
ليش تا الكون يشوف الكواكب دمى
ومتل الولد عم يلعب بكوكب انصان
عا أرضنا بقطبين بتجرو كما
الأقدام عم بتجر أجساد الهوان
وهالكواكب ليش تا تسير بحما
شمس اللي فيها تبيدها بمطلق زمان
وليش المجرة يديرها ثقب العما
ضارب عيونو ومهجتو وقلبو كمان
قلي يا شاعر بسمتك جوري حما
وحامل رسالي خالدي عليها الرهان
معقود عقدة عقد عا عنق انتمى
لإنسان اسمو ما انتمى لمطلق مكان
ليش تا تقلي ليش ما زال انسمى
فيك العقل عقل الذكا البالروح بان
وحامل رسالي رح تخلد طالما
عا وراق عقلك خطتها حبر الأمان
وما زال كلمة ليش عا لسانك نما
فيها اللام والياء والشين بامان
بدلها بكلمة شيل تا تشيل بسما
ارض العليها وقفت وقفة عنفوان
شمس المجرة النورها فيك احتمى
ومحل قلبك شكها بصدر الحنان
من هالقلب تا تدير تنظيم ارتمى
بحضن السما من قبل ما الإنسان كان
جسمو الترابي مكون بلحم ودما
وعندو لسان يقول ليش لعقل بار
ويصير مخطي بحق عقلو هاللسان
المحامي البروفيسور يوسف الدباك جعجع / لبنان٠٠٠
